MAXMAN2015
إسلام فؤاد
بيانات شخصية
صفحات موقعى
مشاركاتى
ألبوم الصور
محمد صلى الله عليه وسلم في...
اختبار الثقة بالنفس
كيف يراك الآخرون من وجهة نظرهم
الفرق بين الحب والالفة
تصفح الموقع
عدد الزائرين:
87781
زييّ وزيّك
بقلم: MAXMAN2015
بتاريخ: 08 مايو 2008
تقييم:
[
صوت للمشاركة
]
الرجوع إلى المشاركات
بقلم زيان حسن
ما أعرفشي أنا طول عمري حساب
لا أعرف أجمع واحد زائد واحد
ولا حتى إتنين
ما اعرفشي منين
زي الواحد مرسوم عالحيط
ماشي جوه الحيط
متغطي بطوب الحيط
متعشي بسوس الحيط
زيّك
زييّ
زى الواحد
ما لوهشي لا صفر يمين
ولا حتى شمال
محروم من شرب همومي
أو دفنه كريمة لأحزاني
زيّك
زييّ
زي النسر الواقف خايف فوق
زي القلب الساكت من دخاني وخايف من وقت النوم
زيّك زييّ
زي الفقر النابع من جوه الجوع
زي الرمز الحاجز وقت الصمت لحب غريب
زيّك زييّ
زي الرافض إنه يغني بلادي ويسمع صوت التعبان من كتر النوم
أنا مش هاغني أحبك علشان ينفع
أنا مش هاقولك انا الغلبان قدام بيبان قصرك
أنا مش هاقولك صباح "الفول" علي عيونك
أن مش هارقص فوق جزوعك
أنا مش هموت في لون خدودك
أصل أنا واحد عادي
زيّك برضه ميت وانا ماشي
باكل وأنا نايم
بحلم وانا نايم
بغني بأعلي صوتي زيك وأنا نايم
بقولك لأه وأنا نايم
زيّك يا صاحبي وزيّه و زييّ
زيّ الشعب الواقف فوق السطر
ماسك ورقة بلون العجز الكامن جوه شهادة جامعة تقوله
طريقك ورا واحد تاني
مش زييّ وزيّك
لأ
زي الواحد ماسك ورقة بلون الوضع الراهن
زي القدس أتقول فيه واحد راجع تاني؟
مش زييّ ولا زيّك و لا زيّه
شارك و أضف تعليقك...
صوت للمشاركة
[ صوت للمشاركة ]
الرجوع إلى المشاركات
[ صوت للمشاركة ]
الرجوع إلى المشاركات 
شارك و أضف تعليقك...
صوت للمشاركة