جارى التحميل
استخدم زر ESC أو رجوع للعودة
صحه ميزان شعري اوباح بسراره ونزف من هم بقايا الروح لشعاره وقوافيه صفت لي سيوف بتاره ونزف غيظ القلم مرعد بمضماره وثغبت اوياه بويه جروحي شهاره شاسد شلحم شكول الروح محتاره حسافه الحق يضيع بليل فجاره اوسفه اعلى السباع تريد تسياره لغم رجل الينام وتنطفي ناره واغمه اللي يلوذ بطارف اكتاره يشنهي اللي ايتوسد ذللته وعاره ويرجه الغير ينهض ياخذ بثاره صدك ديوان اهلنه انطيح اهطاره وصدك مركب بحرنه ايخون بحاره وصدك تملح الكاع بدنيه مطاره وصدك كف الكريم ايجوع خطاره صحيح الجار كام ايبيس ابجاره وللزله يناطر زللته انطاره اذا كل ذني يسدن يبن العماره لحش كلبي بمنجل وكطع اخباره انه ابن العراق اليندبه جاره وهلي موكر الطيبه اوموش غداره هلي عز العرب وسيوف بتاره هلي ميزان للحق ثابت اعياره هلي بديوانهم مهيوب خطاره وعبيد الضيف احنه ويامر بداره ايتوهم من يراهن تنطفي انواره يظل مشعل وطنه مضهضبه ناره وظيغم يطوي الكلفات بوزاره وابو سميره صفه بمليون جيفاره وتسرفن للمنايه ترمح اكتاره وحلف بتراب ارض الوطن واحراره ترد ديرت هلي للجود تتباره ويرد شط العرب يحضن البحاره ،،، وللقصيدة بقية ،،، ملتقانا سيتجدد دائما انشاء الله ، ،،،،،،،،،،،،،،،،،، مدير موقع للوطن وعيون اهلنه علي هاشم العلي
