اتغيرت كل الملامح 
وبقينا بنتوه في الوشوش
مبقاش بنعرف اللي جارح 
ولا للوجع قادرين نحوش 
مهي كل حاجه اتغيرت 
واتحول الكل للوحوش 
ونسينا الاسم والعنوان 
نسينا كمان ملامحنا 
نسينا يعني ايه انسان
نسينا حتي جارحنا
عايشين في حالة من الثبات
مش فارقة مين عايش حزين 
مش فارقة مين حتي اللي مات
وتعدي الايام والسنين 
كأنها حبة ساعات
ولا احنا عارفين احنا فين
دا حتي الولاد شبه البنات
كان زمان بيعلمونا
ازاي تكون انسان اصيل 
كنا اما نغلط ما يسبونا 
ويقولولنا بلاش نميل 
والنهارده المشكلة 
مش مشكلة جيل بس واحد
المشكله راح تبقي ثابته 
في كل جيل
يبقي منين نلاقي حد 
يحس بينا 
ويكون سند جوه الحياة 
ما يكون علينا 
ازاي نلاقي جوه دنيا 
كلها أصلا سراب
ازاي نلاقي واحنا علي بعض
افترينا 
عشان كدا احنا نيسينا 
واتنسينا