كلب الطاهرة ألزهره يبره ألراس أبو ألعتره
تنادي بدمع واسوني وليدي وياه ذبحوني
شلون اصبر وأشوف حسين لاح أعله الرمح رأسه
عيونه شابحه وبدموع تصد زينب وعباسه
ياريت السمه انطبكت وكون انمحى من ساسه
بعيني مابكت عبره وكلبي يذوب بالحسره
شذنبي وبيه فجعوني وليدي وياه ذبحوني
ــــــــــــــــــــــــ
يريت الماي بعده يغور ويريته ماجرى بنهره
ظامي ولجله صار الكون وعطشان انكطع نحره
طريح وسحكوا ضلوعه عادو ضلعي وكسره
مذبوح ويشع نوره حسين من النبي صوره
انعاه ويلوموني وليدي وياه ذبحوني
ــــــــــــــــــــــ
ذبحوني ويه نحر حسين وي زينب يسلبوني
تعتب عل الكفيل تريد عليها تنزف عيوني
أمنعو تندب اخوتها يظربوها ويظربوني
حسره بكلبي تتكسر انشف دموعي مااكدر
مكطع شافته عيوني وليدي وياه ذبحوني
ــــــــــــــــــــــــــــــــــ
زينب نادته من التل كام وطاح ضي عيني
وثلث خطوات بالغيره خطاها وصاح اعذريني
اذا بعدك عدل يحسين صاحت خويه حاجيني
علينا هجمت العسكر تلاحكنه يبن حيدر
وانه وياها تدروني وليدي وياه ذبحوني
