يالتبجي الدهر وياي وبدمعك تواسيني
تراني مو بعيدة عليك اسمعك من تناديني
تراني وين ما منصوب ماتم ليه اتعنه
وقبل لا يقره ناعي ابني اسبقه واجذب الونه
ولو دمعك قطع مجراه دمعي ما اقطعنه
انا ام المصيبة انا وآ يمصيبة حسيني
انا ام المصيبة انا ودمعتي دوم سجابة
واصيحن وية صوت الصاح آ يحسين ومصابه
اظل مظلوبة الك بالدين ودينك اوفي حسابه
ولو يوم الحساب يصير اجيلك واوفي بديني
وانا المتكفله بحساب كل عين البجت لحسين
يا من تريد تشوف اكعد بالمجالس وين
ومن تحسب جروح ابني يمك يكثر ونيني
الف وتسعمية حساب جروح ابو اليمة
واحا يالتواجب ذيج وبدور الهوت يمه
يشيعة ولو نسيتوا الصار ما ابريلكم ذمه
والينسى مصاب حسين يتناسيني
يناعي ومن تنوح حسين ذكرني بعلي وليده
ومرني بجاسم العريس وطفلي الكطعوا وريدة
واخذ دمعتك للشاطي وسولفلي على عضيده
آيا فجعت ايامي آ يمصيبة حسيني
