يحيدر عندي حاجة ببابك احجيها وعليك بداعة العباس تكضيها
اجيت بنار قلبي وعفت كل الناس المثلك يكصدولة وعتبته تنداس
اذا العباس غالي بداعة العباس قضيتي البيها جيتك كون تنهيها
علي ..ماعندي غيرك خاطر اشكي له ..وإذا ما تنقضي حاجتي بهالليله
انا روح الحضرة العباس وأحجي له ودمعة هضم للكافل ابجيها
... علي ... اللي علمتني بالشدد انخاك ..لخاطر كمر هاشم صد الي بعيناك
انا يدولبني الزمن يا حيدر بلياك ومدري وية الزمن شلون تاليها
بخو زينب احلفك يواليي وادري بالعلاقة البينك وبينه
عليك بكطع جفه وسهم البعينه اريد هموم قلبي اليوم تجليها
وعالحاجة اذا تسأل يبو السبطين يواهب للعطايا ردت بس اثنين
اولهن تقبل خدمتي لحسين برضاك يبوالحملة توقع عليها
رفعت ايدي ودمعتي تحفر بخدي ياحيدر الطلبة الثانية العندي
اريد تسجل اسمي بدفتر المهدي امانه بركبتك طلبتي مخليها
